काठमाडौं । टी २० विश्वकपको एसिया छनोटमा मंगलबार भएको खेलमा ओमानले सिंगापुरलाई १७५ रनको लक्ष्य दिएको छ।
कीर्तिपुरस्थित त्रिवि क्रिकेट मैदानमा टस हारेर पहिला ब्याटिङमा तानिएको ओमानले निर्धारित २० ओभरमा ६ विकेट गुमाएर १७४ रन बनाएको छ।
ओमानका लागि उपकप्तान आकिब इलियास खानले ६३ रन को अर्धशतकीय पारी खेल्दा प्रतिक अथाभेल ४२, कप्तान जीसान मक्सुद २६ र कश्यम प्रजापतिले १२ रन जोडे।
सिंगापुरका जनक प्रकाश, अनिश पराम र रमेश कलिमुथुले समान दुई–दुई विकेट लिए।
सिंगापुरले केहीबेरमा जवाफी ब्याटिङ गर्नेछ।